Krasniqi: Qeveria ka vullnet për t’i mbështetur qytetarët në veri
Lajme
Lexohet për: 2 min.
2 javë më parë
Linku u kopjua

Ministri i Administrimit të Pushtetit Lokal, Elbert Krasniqi, ka thënë se Qeveria e Kosovës ka vullnet për t’i mbështetur qytetarët nga komunitet pakicë në katër komunat veriore.

Ai tha se një gjë e tillë dëshmohet përmes ndarjes së katër milionë eurove për ndërtimin e shtëpive në Mitrovicë e Veriut, Zubin Potok, Leposaviq dhe Zveçan.

Krasniqi në konferencë për medie pas mbledhjes së qeverisë, tha se pasi të përcaktohen kriteret do të kuptohet numri i saktë i ndërtimit të shtëpive në veri.

“Do të përcaktohen kriteret për subvencionim dhe do të hapet thirrja publike dhe do të përcaktohen madhësia e shtëpisë. Nga kjo do të kuptohet sa do të jetë numri i shtëpive që do të ndërtohen. Është një vullnet i mirë i qeverisë për t’i mbështetur qytetarët tanë në veri për t’i ndërtuar shtëpitë, të cilat nga përfundimi i luftës janë të djegura”, tha ai.

I pyetur sa i përket deklaratave të sotme të zëdhënësit të BE-së, Peter Stano, ku kërkoi nga Kosova themelimin e Asociacionit, ministri Krasniqi tha se qëndrimet e ekzekutivit janë publike për këtë çështje dhe se nuk ka çka shton më shumë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024