​Zbulohen tre zëvendësuesit e mundshëm të Allegrit te Juventusi
Sport
Lexohet për: 2 min.
3 muaj më parë
Linku u kopjua

“Tuttosport” bën të ditur se Thiago Motta është kandidati kryesor për të zëvendësuar Massimiliano Allegrin te Juventusi në sezonin 2024/25, por Massimo Brambilla ose legjenda e klubit Paolo Montero mund të emërohen si trajner i përkohshëm nëse Allegri shkarkohet para fundit të sezonit.

Allegri është nën presion në “Allianz Stadium” pasi Juventusi ka fituar vetëm një ndeshje nga nëntë të fundit, raporton KosovaPress.

“Zonja e Vjetër” ende qëndron në vendin e tretë në tabelën e Serie A, por Bologna është vetëm dy pikë më poshtë dhe Roma e Atalanta po i afrohen një kualifikimi në Ligën e Kampionëve.

Sipas “Tuttosport”, Allegri mund të shkarkohet nëse Juventusi merr rezultate më zhgënjyese në dy ndeshjet e ardhshme të Serie A kundër Fiorentinas dhe Torinos.

Nëse Allegri largohet, ai mund të zëvendësohet nga trajneri i gjeneratave të reja te Juventusi, Brambilla ose legjenda e klubit Montero, i cili aktualisht po shërben si trajner i Juventus Primavera (U19).

Megjithatë, kandidati kryesor për të zëvendësuar Allegrin në verë është trajneri i Bolognas, Thiago Motta, kontrata e të cilit në “Stadio Dall'Ara” skadon në qershor. Nga ana tjetër, Allegri është nën kontratë me Juventusin deri në qershor 2025.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024