Shokon Patriarku i Moskës, e quan “luftë të shenjtë” agresionin rus në Ukrainë
Bota
Lexohet për: 2 min.
1 muaj më parë
Linku u kopjua

Ka shkaktuar tronditje dje indinjatë deklarata e Patriarkut të Moskës, Kiril, i cili e përshkroi agresionin brutal të Rusisë në Ukrainë “si luftë të shenjtë”.

Kreu i Kishës Ortodokse Ruse me bazë në Moskë, e përforcoi kësisoj retorikën e Kremlinit duke e cilësuar madje konfliktin si ekzistencial dhe civilizues. Sipas Institutit Amerikan për Studimin e Luftës, kjo nga ana tjetër përbën dhe një zbrapsje domethënëse për autoritetet ruse, të cilat deri më tani kanë shmangur me kujdes karakterizimin zyrtar të pushtimit rus të Ukrainës si çdo lloj lufte.

Pak ditë më parë, zëdhënësi i Kremlinit Dmitry Peskov tha se Rusia është “në gjendje lufte”. Në një dokument të ri ideologjik dhe politik, Kiril e quajti “operacionin ushtarak special” të Putinit përveç një lufte të shenjtë dhe një fazë të re në luftën e popullit rus për “çlirimin kombëtar… në Rusinë jugperëndimore”, duke iu referuar në Ukrainën lindore dhe juglindore. Ai i argumentoi deklarata e tij me pretendimin se ushtarët po mbrojnë “Rusinë e Shenjtë” dhe botën nga sulmi i globalizmit dhe fitorja e Perëndimit, i cili sikurse tha, ka rënë në Satanizëm.

Patriarku deklaroi se lufta në vendin fqinj do të përfundojë me Moskën që do të vendosë ndikimin e saj ekskluziv në të gjithë territorin e Ukrainës moderne dhe duke përjashtuar çdo qeveri ukrainase që Kremlini e përcakton se është armiqësore ndaj Rusisë.

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
794
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024