Shpella e Gadimes, potencial për zhvillimin e turizmit
Turizem
Lexohet për: 2 min.
1 muaj më parë
Linku u kopjua

Presidentja e vendit, Vjosa Osmani ka vizituar shpellën e Gadimes për të cilën ka thënë se është një atraksion natyror i jashtëzakonshëm dhe potencial për zhvillim të turizmit.

Shpella e Gadimes, e cila gjendet në fshatin Gadime në afërsi të Lipjanit, është një tjetër bukuri natyrore që e karakterizon vendin tonë, si vend i pasuruar me bukuri të rralla. Shumë turistë gjatë vitit, shqiptarë dhe të huaj vijnë për ta vizituar këtë shpellë, bukuritë e së cilës nuk mund të gjenden në asnjë shpellë tjetër në botë, sepse janë të rralla dhe I përkasin vetëm asaj. Shpella e Gadimes është e lartë 1500 metra, ndërsa për vizitorët lejohen të shihen vetëm 1300 metrat e para të shpellës. Kjo sepse për pjesën tjetër të shpellës, akoma nuk janë bërë të mundshme kalimet. Kjo shpellë i ka tre kate, katin e parë që lejohet për vizitorët, katin nënujor dhe katin e sipërm.

Temperaturat në shpellë janë gjithmonë konstante dhe ato sillen nga 11 deri në 13 gradë Celsius. Edhe gjatë muajve të nxehtë të verës, kur temperaturat janë tejet të larta jashtë, në shpellë temperature mbetet 13 gradë Celsius. Brenda shpellës ka edhe dukuri të tjera natyrore siç është liqeni madhësia e të cilit është 15 deri 25 metra. Kristalet e rralla që gjenden në këtë shpellë nuk mund të gjenden në asnjë shpellë tjetër në botë, vlera dhe vjetërsia e të cilave është nga 30,000 deri në 80,000 vjet. Çka e karakterizon edhe më shumë këtë shpellë, është se nga kristalet që gjenden brenda, vetvetiu janë formuar simbole dhe portrete si ato të peshkut, mjekra e Skënderbeut, gjarpri, Romeo dhe Zhulieta etj.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024