Shtyhet raportimi i Muratit në Komisionin për Buxhet, opozita kërkon transparencë për dy çështje
Lajme
Lexohet për: 2 min.
2 muaj më parë
Linku u kopjua

Është shtyrë raportimi i ministrit të Financave, Punës dhe Transfereve, Hekuran Murati, dhe përfaqësueseve të Doganës së Kosovës dhe Administratës Tatimore, të cilët kanë pasur që të raportojnë sot (e mërkurë) në Komisionin për Buxhet, Punë dhe Transfere, lidhur me realizimin e të hyrave për vitin 2023.

Raportimi nga ana e ministrit Murati është shtyrë për shkak se i njëjti ishte në takim me kryetarët e komunave. Kështu ka thënë kryetari i këtij komisioni, Armend Muja, i cili ka kërkuar që raportimi i ministrit Murati të mbahet të premten.

Me këtë rast komisioni ka diskutuat për draft planin e punës së komisionit për sesionin pranveror 2024.

Deputeti i PDK, Mergim Lushtaku, ka thënë se është mirë që në Komision të ketë një raport se si ka shkuar kompensimi i dëmeve që janë shkaktuar nga vërshimet, pasi sipas tij, nuk dihet sa ka transparencë në këtë pjesë.

Në anën tjetër, deputeti nga Lidhja Demokratike e Kosovës (LDK) Avdullah Hoti ka kërkuar që në raportim të thirret edhe guvernatori i Bankës Qendrore të Kosovës, Ahmet Ismaili, për rregulloren e re të BQK-së dhe për zgjedhjen e zëvendës guvernatorit në këtë institucion.

Lajmi i plotë në sistemin me parapagim...

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024