Lajçak informon ambasadorët e BE-së mbi të arriturat në dialogun Kosovë-Serbi
Lajme
Lexohet për: 2 min.
4 muaj më parë
Linku u kopjua

Emisari i Bashkimit Evropian për dialogun Miroslav Lajçak të mërkurën ka takuar ambasadorët e vendeve anëtare të BE-së në Bruksel, të cilët ia ka informuar mbi ecurinë e procesit negociues Kosovë-Serbi.

Ai në një postim sot (e diel) në Facebook ka bërë të ditur se ka ofruar një informim gjithëpërfshirës për ambasadorët e BE-së mbi të arriturat në dialog qe nga prezantimi i tij i fundit në tetor dhe pritjet për vitin 2024.

“Të dyja palët njohën zyrtarisht targat e automjeteve të njëra-tjetrës dhe shfuqizuan plotësisht regjimin e afisheve, një hap pozitiv në zbatimin e marrëveshjes për rrugën e normalizimit. Progres substancial është realizuar në implementimin e udhërrëfyesit për energjinë”, ka shkruar diplomati sllovak.

Lajçak në javën e parë të janarit ka vizituar Parisin, ku është takuar me zyrtarë të lartë të shtetit francez, nga të cilët mori mbështetje për vazhdimin e procesit të dialogut.

Ndryshe, diplomati sllovak do të merr pjesë javën e ardhshme në Forumin Ekonomik Botëror në Davos të Zvicrës, ku do të jetë pjesë e disa paneleve të diskutimeve.

A do te jetë qeveria e ardhshme VV-PDK?
Po
Jo
Nuk e di
Voto
37
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024