Mali i Gramozit, atraksioni turistik i Kolonjës që frekuentohet nga alpinistët
Rajoni
Lexohet për: 1 min.
1 muaj më parë
Linku u kopjua

Mali i Gramozit në Shqipëri është një tjetër atraksion turistik i Kolonjës, që gjatë stinës së dimrit frekuentohet nga alpinistët dhe të apasionuarit e hiking.

Kryeministri i Shqipërisë, Edi Rama publikoi sot në Facebook pamje nga Gramozi nën petkun e borës.

Mali i Gramozit me liqenin e tij akullnajor, monument natyre në një lartësi prej 2523 m mbi nivelin e detit është një nga atraksionet më të vizituara në Kolonjë.

Reshjet e borës dhe të shiut janë ushqimi kryesor i këtij ujëmbledhësi. Përreth ka bimësi të larmishme natyrore. Monumenti ka vlera shkencore, estetike e turistike.

Të apasionuarit pas lartësive, ngjiten në këto relieve të thyera për të ushtruar sportin e alpinizmit, të ecjeve malore dhe të admirojnë natyrën e rrallë të këtyre majave.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024