Raketat “Javelin”, avokati serb: SHBA po e armatos Kosovën për shkak të kërcënimeve të Serbisë
Lajme
Lexohet për: 3 min.
3 muaj më parë
Linku u kopjua

Avokati serb Çedomir Stojkoviq ka deklaruar sot se shitja e sistemit raketor antitank “Javelin” në Kosovë vjen si rezultat i politikës agresive të presidentit Aleksandar Vuçiq dhe armatimit të grupeve paramilitare në përgatitje të skenarit të Donbasit, i pari i të cilit u pa në Banjska më 24 shtator.

Ai në një postim në rrjetin social X ka shkruar se dorëzimi i sistemit “Javelin” në Kosovë, vjen si pasojë direkte e politikave të Vuçiq ndaj Kosovës.

“Siç dihet, askush tjetër nuk e kërcënon Kosovën. Nëse kërcënoni një aleat të SHBA-së, atëherë duhet ta dini se SHBA-ja do të armatosë aleatin e saj. Është më i sigurt se rezultati 2+2. Këtë duhet ta dijë Aleksandar Vuçiq. Duhet ta dijë këtë. Tani sikur nuk e dini papritmas”, ka shkruar Stojkoviq.

Departamenti amerikan i Shtetit konfirmoi dje se Kosova ka bërë kërkesë që të blejë raketa antitank “Javelin” në vlerë 75 milionë dollarë. Bëhet fjalë për 246 raketa të këtij lloji që prodhohen nga SHBA-ja, sipas një njoftimi të Agjencisë amerikane për bashkëpunim në siguri.

Programi FMS (shitjet e huaja ushtarake) është një program i ushtrisë amerikane për të ofruar ndihmë të sigurisë dhe është një “mjet thelbësor i politikës së jashtme amerikane”, thuhet në ueb-faqen e Agjencisë amerikane për bashkëpunim në siguri.

Kërkesa për Javelin, Osmani: Kosova po hyn në fazë të re të fuqizimit të shtetit • KosovaPress

Sipas këtij programi, Qeveria amerikane dhe një qeveri e huaj mund të arrijnë marrëveshje ndërqeveritare, që quhet Letër e Ofertës dhe Pranimit.

Kosova edhe në të kaluarën ka blerë ose ka pranuar në formë donacioni armë nga Shtetet e Bashkuara.

SHBA ka pranuar kërkesën e Kosovës për blerjen e raketave antitank "Javelin" • KosovaPress

Më herët, avokati Stojkoviq ka thënë se blerja e “Javelin” është një sinjal i qartë se SHBA nuk llogarit më te Vuçiq si faktor në Ballkan.

“Dy vjet më parë, menjëherë para pushtimit të Ukrainës, për të cilin Putin e  informoi në vitin 2021, Aleksandar Vuçiq shpenzoi dhjetëra milionë euro për tanket ruse, me të cilat donte të realizonte skenarin e Donbasit në veri të Kosovës, në Bosnje dhe Hercegovinë, sapo Putin të pushtonte Kievin. Tani SHBA po i jep Kosovës një të paarritshme për ato tanke - sistemin raketor Javelin”, pati thënë ai, duke shtuar se në vend të Vuçiq, pajisjet ushtarake amerikane sikurse ato  “Javelin” po bëhen faktor i paqes në Ballkan.

Përveç raketave Javelin, Kosova kërkon të blejë edhe armë të tjera • KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024