SHBA thirrje Kosovës e Serbisë të përmbushin përgjegjësitë në kuadër të dialogut
Ngjarjet Kryesore
Lexohet për: 2 min.
4 muaj më parë
Linku u kopjua

Ndihmës sekretari i Byrosë për Çështjet Evropiane dhe Euroaziatike James O’Brien u ka bërë sot thirrje Kosovës dhe Serbisë që të përmbushin përgjegjësitë e tyre në kuadër të dialogut të lehtësuar nga Bashkimi Evropian.

Në një konferencë online , O’Brien duke paraqitur prioritetet për vitin 2024, përfshirë synimet e Departamentit me BE-në në Ballkan, deklaroi se qëndrimi amerikan mbetet i pandryshueshëm sa i përket dialogut.

“Tani janë tri vende që kanë nevojë për një vëmendje të veçantë, e para është Kosova dhe Serbia. Pozicioni ynë këtu është i pandryshuar. Ne mbështesim fuqimisht përpjekjet e dialogut që udhëhiqen nga Miroslav Lajcak nga Bashkimi Evropian. Ne i bëjmë thirrje Kosovës dhe Serbisë që të përmbushin përgjegjësitë e tyre në kuadër të dialogut. Ka pasur disa përparime në këtë drejtim gjatë muajve të fundit. Ka pasur hapa përpara dhe në lidhje me trajtimin e disa çështjeve shumë praktike të përditshme si targat dhe mënyra e lëshimit të dokumenteve doganore që mundëson lëvizjen e mallrave ndërmjet dy vendeve. Por, gjithashtu është shumë e rëndësishme që të dyja vendet të shmangin çdo veprim provokues në veri”, ka thënë O’Brien.

Ai ka folur se në muajt e fundit prania e NATO-s në Kosovë është përforcuar, pas sulmit terrorist dhe agresionit të shtetit serb në Banjska të Zveçanit.

Lexo po ashtu
Moti sot
O’Brien tha se Policia e Kosovës me mbështetjen e Misionit Evropian për zbatimin e ligjit EULEX udhëheq në zbatimin e ligjit në veri, teksa bashkëpunimi me trupat e NATO-s ka qenë shumë i mirë kohët e fundit.

“Pres akoma më shumë transparencë dhe më shumë diskutime gjatë muajve të ardhshëm dhe kjo është shumë e rëndësishme, veçanërisht pas ngjarjeve të fundit të shtatorit”, u shpreh ai.

Ndihmës sekretari i Byrosë për Çështjet Evropiane dhe Euroaziatike James O’Brien. në këtë konferencë foli edhe në kontekstin e agresionit të vazhdueshëm të Rusisë kundër Ukrainës, prioritetet si Samiti i NATO-s 2024 në Uashington, dhe përpjekjet për të bashkëpunuar me aleatët e SHBA-së në Evropë për teknologjitë në zhvillim.

A do te jetë qeveria e ardhshme VV-PDK?
Po
Jo
Nuk e di
Voto
51
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024