Sa viza aprovoi e refuzoi Britania e Madhe për shqiptarët janar-shtator 2023
Rajoni
Lexohet për: 2 min.
3 muaj më parë
Linku u kopjua

Kryeministri i Britanisë së Madhe Rishi Sunak në të gjitha deklarimet publike, përmend si histori suksesi uljen me 90 për qind gjatë 2023 të numrit të shqiptarëve mbërritur me gomone krahasuar me vitin 2022.

Mbërritja ilegale e shqiptarëve në shtetin britanik, nisur që prej vitit 1998, është njëra anë e medaljes, pasi janë me mijëra të tjerë që zgjedhin rrugët legale duke aplikuar për viza turistike, bashkim familjar, viza studentore dhe ato të punësimit.

Ndërkohë që shifrat për emigracionin ilegal drejt Britanisë janë prezentë çdo ditë në mediat britanike, askush nuk flet për shtetasit shqiptarë të mbërritur konform rregullave.

Statistikat e fundit nga Ministria e Brendshme Home Office për periudhën janar-shtator 2023, tregojnë se 42.511 persona aplikuan për viza turistike, prej tyre 23.737 morën viza, 18.750 u refuzuan. Shkalla e miratimit të vizave për shtetasit shqiptarë për këtë kategori vizash ishte 56 për qind.

Për të njëjtën periudhë kohore për viza familjare aplikuan 1.365 shtetas shqiptarë, prej tyre 1.161 morën aprovimin, ndërsa 200 u refuzuan. Përqindja e marrjes së vizave për këtë kategori ishte 85 për qind.

Shifrat e Home Office nuk tregojnë numrin e vizave të punësimit apo punësimin sezonal, të cilat janë dhënë për shtetasit shqiptarë gjatë vitit 2023. /tch

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024