Arifi akuzon Kurtin se po i përçan shqiptarët e Luginës së Preshevës
Lajme
Lexohet për: 2 min.
4 muaj më parë
Linku u kopjua

Kryetari i Preshevës, Shqiprim Arifi akuzon kryeministrin e Kosovës Albin Kurtin për përçarje të spektrit politik në Luginën e Preshevës. Ai i quan servilë të shefit të ekzekutivit, Ardita Sinanin e Shaip Kamberin, teksa shton se i njëjti po tenton të sundojë në këto komuna. Madje, Arifi thotë janë tradhtuar në dialog, meqë marrëveshja e Ohrit nuk parasheh reciprocitetin me Serbinë. Në intervistën për KosovaPress flet edhe për tre milionët e ndarë nga qeveria, agresionin në Banjskë të Zveçanit e qasjen e Serbisë ndaj shqiptarëve të Luginës së Preshevës.

Kryetari i Preshevës, Shqiprim Arifi thotë se në asnjë nga takimet që kryeministri Albin Kurti ka mbajtur me përfaqësuesit e luginës, ai nuk ka qenë i ftuar.

Për më tepër, Arifi akuzon kryeministrin për përçarje të spektrit politik në Luginë të Preshevës.

Kritik shprehet edhe për shumën prej tre milionë eurove, të cilat janë paraparë për Luginën e Preshevës. Madje, thotë se edhe në buxhetin e vitit të kaluar ka ndodhur skandal korruptiv.

Arifi thotë se qeverisja e Ardita Sinanit u ka trashëguar disa problematika, të cilat kanë qenë edhe ligjore e më pas janë ballafaquar edhe në gjykata.

Ai thotë se situata e tensionuar në veri të Kosovës ka ndikuar edhe në Luginë, ku asnjë projekt nuk është financuar nga Serbia.

Kreu i Preshevës shprehet se pasivizimi i adresave ka vazhduar edhe gjatë vitit 2023, ku shqiptarët janë të privuar nga prona dhe të drejtat civile të tyre. Adresimi i këtyre diskriminimeve, sipas tij, po mungon nga Prishtina e Tirana zyrtare.

Kryetari i Preshevës, Shqiprim Arifi kërkon reciprocitet në marrëveshjen me Serbinë, për çka konsideron se me marrëveshjen e Ohrit është shkelur një gjë e tillë.

Lajmi i plotë në sistemin me parapagim.

Ai flet edhe për ikjet e të rinjve të Luginës, teksa krenohet se 400 deri në 500 të rinj kanë arritur t’i punësojnë brenda vitit. /Sh.Pajaziti

A do te jetë qeveria e ardhshme VV-PDK?
Po
Jo
Nuk e di
Voto
3
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024