Guerot: Heqja e stikersave lehtëson jetën e qytetarëve të Kosovës dhe Serbisë
Lajme
Lexohet për: 2 min.
4 muaj më parë
Linku u kopjua

Ambasadori i Francës në Prishtinë, Olivier Guerot, ka mirëpritur vendimin e Qeverisë së Kosovës për heqjen e letrës me ngjitës për targat e automjeteve që vijnë nga Serbia në Kosovë.

Në një postim në rrjetin X, diplomati francez ka shkruar se heqja e stikersave do t’ua lehtësojë jetën qytetarëve.

“Nuk ka më nevojë për letër ngjitëse në targat e automjeteve të Kosovës dhe Serbisë. Një mënyrë e mirë për të filluar vitin, duke ua lehtësuar jetën qytetarëve të të dy vendeve. Një shembull i mirë për zbatimin e marrëveshjeve të tjera”, shkroi ai.

“Lamtumirë stikersa”, Rohde mirëpret vendimin e Kosovës për çështjen e targave - KosovaPress

Ndryshe, kryeministri Albin Kurti tha se vendimi i mbrëmshëm për heqjen e regjimit të letrës ngjitëse për automjetet me targa serbe ka ardhur pasi Policia e Kosovës raportoi se vendimi i Serbisë për të lejuar targat RKS – Republika e Kosovës – të lëvizin lirshëm në territorin e këtij shteti, po zbatohet plotësisht.

Kurti: Targat RKS po qarkullojnë lirshëm nëpër territorin e Serbisë - KosovaPress

Kurti ka paralajmëruar se nëse do të ketë ndryshim të qasjes nga autoritetet serbe, shteti i Kosovës do të veprojë.

Serbia vendosi t’i lejojë automjetet me targa RKS të lëvizin lirshëm në territorin e saj nga fillimi i kësaj jave.

A do te jetë qeveria e ardhshme VV-PDK?
Po
Jo
Nuk e di
Voto
37
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024