Haradinaj: Vepra e dalëzotësve të atdheut si Shaban Shala, pragu më i lartë i krenarisë kombëtare
Lajme
Lexohet për: 2 min.
4 muaj më parë
Linku u kopjua

Lideri i Aleancës për Ardhmërinë e Kosovës (AAK), Ramush Haradinaj, ka kujtuar gjeneral Shaban Shalën në 12-vjetorin e ndarjes nga jeta.

Ai ka thënë se gjeneral Shala ishte veprimtar i hershëm i çështjes kombëtare. 

"Veprimtar i hershëm i çështjes kombëtare, bashkëthemelues e drejtues i KMDLNJ-së, ai vu në ballë të organizimit të luftës çlirimtare. Pas luftës, dha kontribut të çmuar në proceset shtet-ndërtuese, me theks të veçantë në themelimin e zhvillimin e TMK-së dhe transformimin në FSK", ka thënë Haradinaj në një postim në Facebook. 

Postimi i plotë: 

Në 12-vjetorin e shkuarjes në përjetësi të heroit të kombit, gjeneral Shaban Shala, kam bërë homazhe pranë varrit të tij.

Veprimtar i hershëm i çështjes kombëtare, bashkëthemelues e drejtues i KMDLNJ-së, ai vu në ballë të organizimit të luftës çlirimtare. Pas luftës, dha kontribut të çmuar në proceset shtet-ndërtuese, me theks të veçantë në themelimin e zhvillimin e TMK-së dhe transformimin në FSK.

Kisha nderin që në kohën e luftës për liri, të bashkëveproj me vëllain e tij Bedriun, i cili ra heroikisht në ballafaqim me armikun në mbrojtje të Junikut, më 10 gusht 1998. Emri i tij u nderua nga Brigada 134 “Bedri Shala” e ZO të Dukagjinit.

Vepra e dalë-zotësve të atdheut si gjeneral Shala, është pragu më i lartë i krenarisë sonë kombëtare. Lavdi!

A do te jetë qeveria e ardhshme VV-PDK?
Po
Jo
Nuk e di
Voto
4
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024