Stoku i borxhit të jashtëm të Shqipërisë vlerësohet në nivelin 52.4% të PBB-së
Biznes
Lexohet për: 2 min.
5 muaj më parë
Linku u kopjua

Stoku i borxhit të jashtëm bruto të Shqipërisë vlerësohet në nivelin 52.4 % të PBB-së në fund të gjysmës së parë të vitit 2023.

Ky raport është rreth 7.9 pikë përqindjeje më i ulët krahasuar me një vit më parë, thekson Banka e Shqipërisë në statistikat e publikuara sot mbi borxhin e jashtëm.

Sipas BSH-së, rënia e tij pasqyron efektin nga rritja e PBB-së.

Në ndarjen sipas maturitetit, borxhi afatgjatë përbën rreth 90.8 % të totalit, ndërsa borxhi afatshkurtër rreth 9.2 %. Borxhi i jashtëm neto në raport me PBB-në vlerësohet në 4.7 %, me një pakësim prej 5.3 pikë përqindjeje.

Banka e Shqipërisë në analizën e saj, vlerëson se, treguesit e aftësisë ripaguese afatgjatë të borxhit të jashtëm kanë vazhduar të përmirësohen edhe gjatë gjysmës së parë të vitit 2023.

“Rritja e eksporteve dhe të ardhurave fiskale ka qenë faktori kryesor në këtë ecuri”, thekson BSH-ja.

Kështu, raporti ndërmjet borxhit të jashtëm bruto dhe eksportit vjetor të mallrave dhe shërbimeve vlerësohet në 115.1 %, nga niveli 136.8 % një vit më parë. Gjithashtu, raporti i borxhit të jashtëm ndaj të ardhurave fiskale u pakësua në 183.0 % nga 213.9 % një vit më parë. Ndërsa raporti i stokut të borxhit të qeverisë së përgjithshme ndaj të ardhurave fiskale u ul në 91.7 % nga 105.2 % një vit më parë.

Edhe treguesit e mjaftueshmërisë së likuiditetit shfaqin tendenca përmirësuese.

Banka e Shqipërisë thekson se, stoku i rezervës valutore mbulon 333.8 % të borxhit të  jashtëm afatshkurtër në fund të tremujorit të dytë 2023, duke dëshmuar për mjaftueshmëri në përballimin e detyrimeve afatshkurtra. /ATSH/

25 vjet çlirim, a jeni të kënaqur me suksesin e Republikës së Kosovës ?
Po
Jo
Nuk e di
Voto
346
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024