Memli Krasniqi për avokatin e Kadri Veselit: Andrew e dinte pafajësinë e krerëve të UÇK-së
Lajme
Lexohet për: 2 min.
5 muaj më parë
Linku u kopjua

“Liria ka Emër”, në nderim të mikut të Kosovës, avokatit të Kadri Veselit, Andrew Strong, ka organizuar sonte ndezjen e qirinjve para Teatrit Kombëtar të Kosovës në Prishtinë.

Kryetari i Partisë Demokratike të Kosovës (PDK), Memli Krasniqi, ka thënë se përtej rolit të tij si avokat, Andrew Strong ishte një njeri i mirë dhe i drejtë, i cili me tërë qenien e tij u vu në mbrojtje të Ushtrisë Çlirimtare të Kosovës dhe shtetit tonë.

“Këtë ai nuk e bëri vetëm pse e kishte profesion, por sepse drejtësinë e kishte mision. Andrew e dinte pafajësinë e krerëve të UÇK-së, siç e dinte pastërtinë e luftës së popullit tonë për liri, prandaj, me mendje e zemër u përkushtua secilën ditë të angazhimit të tij në këtë proces. Një amerikan që fliste shqip, e Kosovën e donte shumë. Prehu në paqe, mik i dashur”, ka shkruar Krasniqi në Facebook.

Andrew Strong, avokati amerikan, i cili ishte pjesë e ekipit të mbrojtjes së ish-kryeministrit të Kosovës Ramush Haradinajt në Hagë, së fundmi ishte edhe avokat i ish-kryeparlamentarit, Kadri Veseli, i cili gjendet në paraburgim nga Gjykata Speciale.

Ai ndërroi jetë të hënën pasdite. Gjatë karrierës së tij, Strong kishte vizituar disa herë Kosovën.

A do te jetë qeveria e ardhshme VV-PDK?
Po
Jo
Nuk e di
Voto
137
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024