Iu dha lamtumira e fundit policit Rexhep Sejdiu
Siguri
Lexohet për: 1 min.
4 muaj më parë
Linku u kopjua

Në fshatin Terllabuq të komunës së Vushtrrisë, sot është mbajtur ceremonia e varrimit të zyrtarit policor Rexhep Sejdiu, ku u vlerësuar lart kontributi i tij në ofrimin e sigurisë dhe mbrojtjen e kufirit shtetëror.

Në ceremoninë mortore morën pjesë ministri i Punëve të Brendshme, Xhelal Sveçla, drejtori i përgjithshëm i PK-së, Kolonel Hoxha, përfaqësues të institucioneve vendore, si dhe eprorë e kolegë nga Policia e Kosovës.

Të pranishmëve në ceremoni me nga një fjalë rasti iu drejtuan ministri i MBP-së, drejtori i përgjithshëm i PK-së, kryetari i Komunës së Vushtrrisë, si dhe një familjar i zyrtarit Rexhep Sejdiu, të cilët folën për shëmbëlltyrën, punën profesionale dhe sakrificën e pakursyer të zyrtarit Sejdiu në ofrim të sigurisë, ruajtjen e rendit dhe mbrojtjen e kufirit shtetëror.

Po ashtu dy vajzat e kolegut Rexhep Sejdiu përmes poezive të dedikuara, me shumë emocion evokuan kujtime për babain e tyre në ceremoni.

Polici Rexhep Sejdiu ka ndrruar jetë dje në vendin e punës, në pikë kalimin kufitar Jarinje.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024