Reshjet e borës, ministri Balla fton për kujdes të shtuar ngasësit e automjeteve
Rajoni
Lexohet për: 1 min.
2 muaj më parë
Linku u kopjua

Ministri i Punëve të Brendshme i Shqipërisë Taulant Balla u ka bërë thirrje të gjithë ngasësve të automjeteve në trafik për kujdes të shtuar në kohën kur reshjet e borës dhe shiut po vazhdojnë në disa pjesë të vendit.

Ai në një postim në Facebook ka bërë të ditur se Policia e Shtetit, Autoriteti Rrugor dhe njësitë e qeverisjes vendore janë në krye të detyrës, nga Boga, Vermoshi, Qafë Murriza, në rrugën e Arbrit, deri në Qafë Muzinë në aksin rrugor Gjirokastër-Sarandë.

“Qarkulloni me kujdes dhe ulni shpejtësinë, jo vetëm në akset ku ka reshje bore por edhe në akset e tjera rrugore, pasi lagështira në rrugë është burim për përfshirje në ngjarje rrugore”, ka shkruar Balla.

Ai ka udhëzuar ngasësit e automjeteve të ndjekin udhëzimet e policisë dhe të autoriteteve të tjera, ndërsa për çdo nevojë të telefonojnë në numrin pa pagesë 112, për të marrë ndihmën e shërbimeve të Policisë së Shtetit.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024