Tottenham i drejtuar nga Son fantastik deklason Newcastle
Sport
Lexohet për: 2 min.
4 muaj më parë
Linku u kopjua

Futbollistët e Tottenham Hotspur mposhtën Newcastle United në stadiumin e tyre me rezultat 4:1 (2:0), në ndeshjen e fundit të xhiros së 16-të të kampionatit anglez.

Pasi fituan vetëm një pikë në pesë raundet e fundit dhe ranë nga vendi i parë në të pestën, lojtarët e Tottenham mposhtën bindshëm konkurrentin direkt për vendin në Ligën e Kampionëve sezonin e ardhshëm.

Golin e parë e shënoi Udogie (26’), më pas Richarlison shënoi dy herë (38’, 60’), Son (85’ nga penalltia) shënoi për 4:0 dhe Joelinton (90+1) lehtësoi humbjen e mysafirëve.

Tottenham është ende i pesti në tabelë me 30 pikë, ndërsa Newcastle i shtati me 26.

Më herët sot, kampioni në fuqi i Anglisë, Manchester City, arriti fitore 2:1 (0:1) ndaj të sapoardhurve në Premier Ligë, Luton Town.

Luton kaloi në epërsi në fundin e pjesës së parë kur Adebayo (45’+2) dërgoi topin në rrjetë, por City krijoi një kthesë me dy gola. Fillimisht, Bernardo Silva (62’) shënoi me një goditje precize nga zona e rreptësisë për 1:1, e më pas Grealish (65’) përdori asistimin e Alvarez për rezultatin përfundimtar prej 2:1.

City është ende i katërti në tabelë, por tani ka 33 pikë, katër prapa liderit Liverpool, tri pas Arsenalit në vendin e dytë dhe dy pas Aston Villas së vendit të tretë. Luton mbeti në zonën e rënies, i 18-ti me nëntë pikë dhe tani katër pikë pas Evertonit të 17-të, i cili mposhti Chelsean 2:0 (0:0) në “Goodison Park”.

Shënues për Everton ishin Doucoure (54’) dhe Dobbin (90’+2).

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024