Marcelo: Modriq nuk e meritonte Topin e Artë? Ata flasin marrëzira
Sport
Lexohet për: 1 min.
2 muaj më parë
Linku u kopjua

Futbollisti i famshëm brazilian Marcelo ka folur për ditët e tij më të mira në Real Madrid.

Ish-lojtari madrilen, tashmë anëtar i Fluminense, ka zbuluar në një podcast se si dy futbollistë e kanë befasuar – Isco dhe Lluka Modriq.

“Isco nuk është nga kjo botë. Karrierën e ka nisur në futsall, unë e vlerësoj futsallin. Nuk mund ta kuptoja kurrë se çfarë bënte në stërvitje apo ndeshje. I dyti është Lluka Modriq”, tha Marcelo.

Marcelo gjithashtu iu referua mendimeve të disa futbollistëve, përfshirë Antoine Griezmann, se Modriq nuk duhet të kishte fituar Topin e Artë në 2018.

“Por ata po flasin marrëzi”, u përgjigj Marcelo, i cili ndante dhomën e zhveshjes me Modriq në klubin madrilen nga viti 2012-2022.

Marcelo është lojtari më i suksesshëm në historinë e Realit, pasi me këtë skuadër ka fituar 25 trofe.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024