Të paktën 6 persona të vdekur dhe dhjetëra të plagosur pasi tornadot goditën Tenesin
Bota
Lexohet për: 2 min.
4 muaj më parë
Linku u kopjua

Të paktën gjashtë persona kanë vdekur në Tenesi pasi tornadot dhe stuhitë e forta lëvizën në të gjithë shtetin të shtunën.

Tre persona u konfirmuan të vdekur në Madison, Tennessee, në veri të Nashville, thanë zyrtarët e menaxhimit të urgjencës.

“Fatkeqësisht, ne mund të konfirmojmë se ka tre viktima si rezultat i motit të rëndë në Nesbitt Lane” tha Zyra e Menaxhimit të Emergjencave në Nashville në X, dikur Twitter.

Zyrtarët në Montgomery County konfirmuan gjithashtu tre vdekje, duke përfshirë një fëmijë, pasi një tornado goditi zonën e Clarksville.

“Në këtë moment mund të konfirmojmë se tre persona kanë vdekur, dy të rritur dhe një fëmijë si pasojë e tornados që goditi këtë pasdite”, thuhet në një deklaratë nga qeveria e qarkut Montgomery. “Përveç kësaj, 23 persona janë trajtuar në spital”.

Zyrtarët thanë se janë ende në një "fazë kërkimi dhe shpëtimi" për të parë nëse ka më shumë të vdekur apo të plagosur.

Qyteti i Clarksville shpalli gjendjen e jashtëzakonshme të shtunën mbrëma, njoftoi kryebashkiaku Joe Pitts.

Tornadot u shfaqën nga një shpërthim i rëndë i motit në më shumë se 1200 milje në lindje të Shteteve të Bashkuara nga Bregu i Gjirit deri në kufirin kanadez të shtunën.

Zyrtarët në veriperëndim të Tenesit u kërkuan shoferëve të qëndrojnë jashtë rrugëve pasi moti i ashpër lëvizi nëpër zonë.

Shërbimi Kombëtar i Motit ka konfirmuar se dy tornado, secili i përshkruar si i madh dhe i rrezikshëm, kishin goditur pasditen e së shtunës, duke përfshirë stuhinë në Montgomery County dhe një tjetër pranë qytetit të Rutherford të qarkut Gibson./CNN/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024