Njerëzit habiten nga emri i vërtetë i Will Smith: Nuk mund ta besoj se ky është emri i tij
Magazina
Lexohet për: 2 min.
2 muaj më parë
Linku u kopjua

Postimi i Jada Pinkett Smith në të cilin ajo i uron datëlindjen Will Smith ka ngritur ‘pluhur’ në rrjetet sociale.

Në fakt, Jada ka përmendur emrin e tij të vërtetë në postim, dhe gjykuar nga reagimet, shumë nuk e dinin se ky ishte emri i tij.

Aktori u bë i famshëm në filmin "The Fresh Prince of Bel-Air" në vitet 1990 dhe shpejt u bë një emër i njohur në Hollywood. Ndërsa të gjithë e njohin atë si Will, shumë nuk e dinë që nuk është emri i tij i vërtetë dhe se nuk është shkurtuar nga emri William.

Në një mesazh emocionues për bashkëshortin e saj, Jada ndau një foto të tyre me fëmijët e tyre Willow, Jaden dhe djalin e Will nga martesa e tij me Sheree Zampino, Trey. Ata ishin të gjithë të veshur me të bardha teksa buzëqeshnin në një foto familjare dhe Jada e nisi mesazhin e saj me emrin e vërtetë të Will - Willard.

"Jam shumë e lumtur që je lindur në këtë ditë. Pa ty nuk do të kisha përjetuar gëzimin më të madh të jetës sime...dashurinë e familjes sonë. Në këtë detyrë hyjnore që kemi zgjedhur të ecim së bashku, jam mirënjohëse për burimet e të qeshurit përgjatë shtigjeve të lotëve që kemi ndarë”, ka thënë ajo.

Shumë më pas shprehën habinë e tyre në rrjetet sociale se emri i aktorit nuk ishte William.

“Sot mësova se emri i plotë i Will Smith është Willard, jo William”, “Emri i parë i Smith është Willard?!”, “Nuk ka mundësi që emri i Will Smith është Willard” - ishin vetëm disa nga komentet në postim.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024