Blinken: Ka një 'hendek' midis synimit të Izraelit për të mbrojtur civilët dhe realitetit në terren
Bota
Lexohet për: 1 min.
2 muaj më parë
Linku u kopjua

“Është e domosdoshme – mbetet e domosdoshme – që Izraeli të vendosë një premium për mbrojtjen civile, dhe mbetet një hendek midis asaj që thashë kur isha atje, qëllimit për të mbrojtur civilët dhe rezultateve aktuale që po shohim terren”, tha Blinken, në një konferencë të përbashkët shtypi me sekretarin e jashtëm të Mbretërisë së Bashkuar David Cameron në Uashington DC të enjten.

Blinken ka bërë katër udhëtime në rajon që nga shpërthimi i luftës më 7 tetor.

Shtetet e Bashkuara kanë biseduar me Izraelin për zbatimin e "pauzave ditore" në luftime dhe për t'u bërë të ditur banorëve të Gazës se ku mund të shkojnë për t'u larguar nga rreziku, shkruan BBC, transmeton KosovaPress.

"Izraeli ka detyrimin të bëjë gjithçka që është e mundur për t'i dhënë përparësi mbrojtjes së civilëve dhe maksimizimit të ndihmës humanitare", tha ai.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024