Projektbuxheti në Kuvendin e Shqipërisë, deputetë të opozitës përmbysin karriget para foltores
Rajoni
Lexohet për: 1 min.
2 muaj më parë
Linku u kopjua

Deputetë të opozitës vijuan edhe sot (e enjte) bllokimin e seancave plenare të Kuvendit në Shqipëri. Teksa pritet nisja e seancës plenare, ku do të votohet nen për nen dhe në tërësi projektbuxheti i vitit 2024, një grup deputetësh të opozitës u përpoqën të vendosin karrige në foltoren e Kuvendit, por janë ndaluar nga Garda e Republikës, e cila nuk lejoi deputetët t’i afrohen foltores.

Deputetët e opozitës vijuan të qëndrojnë përballë punonjësve të Gardës, duke debatuar, shkruan ATSh.

Për shkak të trazirave në sallën e seancave plenare ditën e hënë, u përjashtuan 6 deputetë të opozitës për 10 ditë. Kështu pjesë e seancës sot nuk do të jenë Sali Berisha, Gazment Bardhi, Flamur Noka, Edi Paloka, Albana Vokshi dhe Elda Hoti.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024