Pirlo: Kisha marrëveshje me Realin, Guardiola më donte te Barcelona
Sport
Lexohet për: 3 min.
2 muaj më parë
Linku u kopjua

Legjenda italiane, Andrea Pirlo ka zbuluar se ai kishte nënshkruar një kontratë me Real Madridin në vitin 2006 pas skandalit të Calciopolit, ndërsa Pep Guardiola e thirri atë te Barcelona disa vite më vonë.

Ish-mesfushori i Milanit dhe Juventusit e konfirmoi këtë gjë në një intervistë për Radio Serie A, ku tha se kishte shkruar një kontratë pesë vjeçare me Realin në vitin 2006, vetëm disa javë pasi që fitoi Kupën e Botës me Italinë, raporton KosovaPress.

“Kupa e Botës sapo kishte përfunduar dhe kishte gjithë rrëmujën e Calciopoli. Kishte një shans që Milani të luante në Serie B dhe Fabio Capello ishte transferuar te Real Madridi. Unë kisha folur me të dhe me drejtorët dhe ne patëm një marrëveshje”, zbuloi Pirlo.

“Kur mbërrita për parasezonin e Milanit, ata na thanë se do të luanim në Serie A me një zbritje pikësh, nuk isha i sigurt sepse kisha vendosur të shkoja te Real Madridi, por duke u kthyer në Milanello takova Adriano Gallianin dhe agjenti im dhe ne ramë dakord për të vazhduar aventurën. Galliani e hodhi kontratën në tavolinë dhe na tha të vendosnim shifrat, pas disa ditësh e firmosëm”, tha Pirlo.

Nuk ishte hera e vetme që Pirlo mund të transferohej në Spanjë pasi Barcelona gjithashtu u përpoq ta transferonte atë disa vite më vonë.

Milani i Pirlos po luante kundër katalanasve në Trofeo Gamper në vitin 2010 dhe kuqezinjtë ishin në bisedime për të transferuar Zlatan Ibrahimovic nga Barça.

Pirlo zbuloi se ai foli me Pep Guardiolën brenda zyrës së tij pas ndeshjes.

“Kishte një shans që Milani të nënshkruante me Ibrën dhe Guardiola e pyeti nëse isha në dispozicion për t'iu bashkuar tij te Barcelona. Ne folëm për një kohë në zyrën e tij, por më pas erdhi Ibra dhe qëndrova gjithashtu në Milano

Guardiola më tha se do të donte të më kishte atje. Ai më njihte sepse kishte luajtur në Brescia edhe nëse nuk do të kishim luajtur bashkë. Unë isha shumë krenar që u ula në zyrën e tij dhe më thërriste, edhe nëse asgjë nuk ndodhi në fund”, tha Pirlo.

Nëse Pirlo do të kalonte në “Camp Nou”, katalanasit do të luanin me Xavi, Andres Iniesta dhe Pirlon në mesfushë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024