Haradinaj-Kurtit: Mos e fyej Policinë e Kosovës, plotësoja kushtet
Lajme
Lexohet për: 1 min.
2 muaj më parë
Linku u kopjua

Kryetari i Aleancës për Ardhmërinë e Kosovës, Ramush Haradinaj, ka thënë se kryeministri i vendit, Albin Kurti, po fyen pjesëtarët e Njësisë Speciale të Kosovës, duke mos ia plotësuar kërkesat e tyre për paga.

Në një shkrim në llogarinë e tij në Facebook, Haradinaj tha se Kurti i ishte dorëzuar regjimit serb pa rezistencë, duke aluduar në kohën e burgosjes së tij në vitin 1999, ndërsa pjesëtarët e Njësisë Speciale nuk janë dorëzuar më 24 shtator kur ndodhi rasti i Banjskës.

“Për dallim nga ti Kryeministër, që dikur i ishe dorëzuar regjimit serb gjatë luftës, pa rezistencë, pjesëtarët e Njësisë Speciale që ti sot i fyen, më 24 shtator nuk u dorëzuan, por luftuan duke i mposhtur me turp terroristët e sponzorizuar nga Serbia”, është shprehur Haradinaj, teksa bëri thirrje që të plotësohen kërkesat e tyre.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024