“Sporti në Shkolla”, projekti madhor që nis të aplikohet nga fillimi i vitit 2024
Tema
Lexohet për: 2 min.
4 muaj më parë
Linku u kopjua

Nga fillimi i vitit të ardhshëm në Kosovë do të fillojë pilotimi i projektit “Sporti në Shkolla”, përmes të cilit synohet përfshirja sa më e madhe e fëmijëve në aktivitete shkollore.

Ky projekt është nisur në bashkëpunim të Ministrisë së Sportit dhe Federatës së Sporteve Shkollore.

Sipas kryetarit të Federatës së Sporteve Shkollore, Ardian Telaku, ky do të jetë një projekt madhor që deri më tani nuk është parë dhe do të vije në bashkëpunim me disa federata sportive vendore.

“Ne si Federatë e Sportit Shkollor duke pasur parasysh kapacitetet dhe mundësitë për të realizuar një projekt të tillë i cili është një ndër projektet më të mëdha që ka mundur të ekzistojë ndonjëherë në sportin shkollor, në të kaluarën nuk është se nuk ka pasur iniciativa të tilla, por ka pasur mungesë të mbështetjes. Kur themi mungesë mbështetjeje, ka qenë mbështetje financiare dhe politike sigurisht. Më pastaj ka filluar të marrë formë projekti dhe kanë filluar të rriten grupet punuese, fillimisht kemi filluar me tetë federata, të cilat kanë qenë pjesëmarrëse në takimet e para, gjatë rrugës kemi ardhur në përfundim që pilotimi të bëhet me tri federata”, theksoi Telaku.

Në një intervistë për KosovaPress, Telaku ka thënë se ky projekt do të jetë i veçantë nëpër shkolla dhe nuk do ta prek programin aktual bazë të mësimit.

Nëse programi rezulton të jetë pozitiv, Telaku ka bërë të ditur se duhet të angazhohet një numër prej 400 arsimtarësh të rinjë të edukatës fizike nëpër shkolla.

Telaku bëri të ditur gjithashtu se gjithë ky projekt nuk do të jetë ngarkesë shtesë as për nxënësit e as për familjarët e tyre, pasi të gjitha pagesat do të mbulohen nga Ministria e Kulturës dhe Sportit.

Për aplikimin sa më të mirë të projektit, Telaku ka thënë se nevojiten edhe shumë ndërhyrje në infrastrukturat sportive të shkollave nëpër Kosovë.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024