Macron: Nëse qëllimi është shkatërrimi i plotë i Hamasit, lufta do të zgjasë edhe 10 vjet
Bota
Lexohet për: 2 min.
5 muaj më parë
Linku u kopjua

Presidenti i Francës Emmanuel Macron paralajmëroi të shtunën se qëllimi i Izraelit për "shkatërrimin e plotë të Hamasit" duhet të përcaktohet qartë, përndryshe do të prodhojë "dhjetë vjet të tjerë" luftë dhe bëri thirrje për përpjekje të dyfishuara për të arritur një armëpushim të përhershëm.

"Shkatërrimi i plotë i Hamasit...A mendon dikush se është e mundur?" tha Macron në një konferencë shtypi në margjinat e konferencës COP28 në Dubai.

"Nëse ky është qëllimi, lufta do të zgjasë dhjetë vjet," tha Macron dhe kërkoi nga autoritetet izraelite të shpjegojnë qëllimin e tyre.

Franca është "shumë e shqetësuar" për dhunën e re në Gaza, tha Macron dhe njoftoi një udhëtim në Katar ku do të përpiqet të kontribuojë në përpjekjet për të rënë dakord për një armëpushim të ri.

Në konferencën për shtyp, Macron tha se situata në Gaza kërkon një përpjekje të dyfishtë për të arritur një armëpushim të përhershëm dhe lirimin e të gjithë pengjeve.

"Për Izraelin, nuk ka siguri të përhershme në rajon nëse siguria e atij vendi arrihet me çmimin e jetëve palestineze, gjë që sjell me vete pakënaqësi në rajon. Le të jemi kolektivisht dallues dhe të matur," shtoi ai.

"Lufta efektive kundër terrorizmit nuk do të thotë bombardime sistematike dhe të përhershme. Përgjigjja e saktë kundër një grupi terrorist nuk do të thotë eliminim i të gjithë territorit apo bombardim të të gjitha zonave civile," vuri në dukje ai.

Kur bëhet fjalë për lirimin e pengjeve të mbajtura nga Hamasi, Macron beson se “duhen edhe disa ditë punë”, duke iu referuar “negociatat aktuale që vazhdojnë”.

Mes të zhdukurve më 7 tetor janë edhe katër shtetas francezë. Sonte në Katar, presidenti francez do të darkojë me Sheikun Tamim ben Hamad Al-Thani, emirin e këtij vendi, i cili ishte i angazhuar në negociatat për armëpushimin dhe lirimin e pengjeve.

Kush do ti fitojë zgjedhjet në Kosovë?
VV
PDK
LDK
AAK-Nisma
Lista GUXO
Nuk e di
Voto
2,000
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024