Marko Kepi, shqiptari i parë që kandidon për senatin e shtetit të Nju Jorkut
Rajoni
Lexohet për: 2 min.
2 muaj më parë
Linku u kopjua

Shqiptaro-amerikani Marko Kepi do të garojë në zgjedhjet e ardhshme për të zënë një vend në senatin e shtetit të Nju Jorkut.

Kepi tha për Euronews Albania, se beson që shqiptarët do ta votojnë për të bërë të mundur që zëri i tyre të dëgjohet në politikën amerikane.

Ai shtoi se nëse komuniteti shqiptar ka një përfaqësues në senatin e Nju Jorkut, atëherë mund të marrin fonde për aktivitet shqiptare dhe ngritjen e qendrave komunitare në mënyrë që të mos asimilohen.

“Patjetër shqiptarët do të më mbështesin. Herën e fundit që kemi regjistruar shqiptarët për të votuar brenda Partisë Republikane, 90% e tyre ishin demokratë, por e ndërruan partinë vetëm që të votonin një shqiptar. Nëse nuk ka primare, zgjedhjet në senatin e Nju Jorkut do të mbahen në të njëjtën kohë me zgjedhjet presidenciale. Zëri im do të sjellë zërin që shqiptarët janë këtu. Nëse nuk e kemi një përfaqësues në politikën amerikane këtu zëre se nuk ekziston. Nëse nuk e ke një përfaqësues, e ke të vështirë të marrësh fonde për aktivitetet shqiptare dhe e ke të vështirë të krijosh një qendër për komunitetin shqiptar. Kanë qenë komunitete më të mëdha se ne dhe janë asimiluar pasi nuk kanë mundur t’i ndërtojnë këto qendrat”, tha Kepi.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024