Përurohet objekti i ri i Ambasadës së Kosovës në Senegal
Lajme
Lexohet për: 2 min.
2 muaj më parë
Linku u kopjua

Ministrja e Punëve të Jashtme dhe Diasporës, Donika Gërvalla, së bashku me ministrin e Kulturës dhe Trashëgimisë Historike të Senegalit, Aliou Sow, kanë përuruar objektin e ri të Ambasadës së Kosovës në kryeqytetin e këtij shteti afrikan - Dakar.

Përurimi i objektit u bë në praninë e shumë drejtuesve të misioneve diplomatike të akredituar në këtë shtet, ndër ta edhe shumë përfaqësues nga shtete, të cilat ende nuk e kanë njohur Kosovën, përfaqësuesve nga agjenci të ndryshme të Kombeve të Bashkuara dhe nga shteti pritës, miqve të Kosovës nga kontinenti afrikan dhe komuniteti i shqiptarëve që jetojnë në Dakar.

Gërvalla vazhdon takimet dypalëshe në Forumin Ndërkombëtar për Paqe dhe Siguri - KosovaPress

Gjatë qëndrimit në Senegal dhe në margjina të edicionit të 9-të Forumit Ndërkombëtar për Paqe dhe Siguri, ministrja Gërvalla takoi shumë homologë të saj nga shtete të ndryshme afrikane, të cilët morën pjesë në këtë Forum, njofton Ministria e Punëve të Jashtme dhe Diasporës.

Gërvalla merr pjesë në Forumin ndërkombëtar të Dakarit për paqe e siguri në Afrikë - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024