Kurti falënderon ambasadorin Sprecher për mbështetjen e Zvicrës ndaj Kosovës
Lajme
Lexohet për: 1 min.
2 muaj më parë
Linku u kopjua

Kryeministri Albin Kurti priti sot në takim ambasadorin e ri të Zvicrës në Prishtinë Jürg Sprecher, me të cilin bisedoi mbi marrëdhëniet e shkëlqyeshme ndërmjet dy vendeve, me theks të veçantë te mërgata kosovare në Zvicër si urë lidhëse në fushën e ekonomisë dhe kulturës.

Kurti theksoi dhe marrëdhëniet tregtare, ku Zvicra është vendi i dytë për nga investimet direkte në Kosovë, si dhe rritjen e eksporteve direkte për 25%.

Kurti takon ambasadorin Kolly, Zvicra vendi i dytë për investime në Kosovë - KosovaPress

Ai falënderoi ambasadorin Sprecher për mbështetjen e Zvicrës ndaj Kosovës, para e pas luftës, veçanërisht përmes projekteve në zhvillim ekonomik, ndryshimet klimatike, shëndetësinë, mirëqeverisjen e forcimin e demokracisë, si dhe për rolin dhe kontributin e trupave të Swisscoy në kuadër të misionit të KFOR-it në Kosovë.

Ndryshe, ambasadori Sprecher në takim u shoqërua nga zëvendësambasadori i Zvicrës në Prishtinë, Christoph Fuchs.​

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024