Kreditë për kompanitë në eurozonë ulen për herë të parë që nga 2015
Biznes
Lexohet për: 2 min.
3 muaj më parë
Linku u kopjua

Në tetor, bankat në eurozonë reduktuan kreditë për kompanitë për herë të parë që nga vera e vitit 2015, treguan të dhënat nga Banka Qendrore Evropiane (ECB).

Kredia bankare për kompanitë u ul me 0.3 për qind në tetor krahasuar me të njëjtin muaj të vitit të kaluar, pas një rritjeje prej 0.2 për qind në muajin e kaluar.

Bankat reduktuan për herë të fundit vendosjet e kredisë për kompanitë në korrik 2015, kur eurozona filloi të rikuperohej nga kriza e borxhit.

Kredia për individë është rritur me 0.6 për qind në tetor, më e dobëta që nga fillimi i vitit 2015. Në shtator është rritur me 0.8 për qind.

Reduktimi i huadhënies për kompanitë dhe oferta e kufizuar monetare janë rezultat i politikës monetare më të shtrënguar të ECB-së, e cila rriti normat e interesit me 4.5 pikë përqindje nga korriku i kaluar deri në mes të shtatorit të këtij viti, në mënyrë që të frenojë inflacionin duke frenuar kërkesën.

Kushtet më të rrepta të financimit rezultuan me rënie të aktivitetit ekonomik në zonën e aplikimit të monedhës së përbashkët në tremujorin e tretë dhe S&P Global në vrojtimin e fundit mujor të aktivitetit të biznesit vlerëson se mund të hyjë në recesion në fund të këtij viti.

Disa analistë tani kanë frikë se ECB ka shkuar shumë larg në rritjen e normave të interesit dhe se kreditimi është bërë aq kufizues sa mund të thellojë recesionin ose të ngadalësojë rimëkëmbjen e ekonomisë vitin e ardhshëm.

BE i jep “dritën jeshile” Planit të rishikuar Kombëtar të Rimëkëmbjes dhe Rezistencës Italiane - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024