Pejë: Këmbësori goditet për vdekje, i dyshuari largohet nga vendi i ngjarjes
Siguri
Lexohet për: 1 min.
2 muaj më parë
Linku u kopjua

Një aksident me fatalitet ka ndodhur mbrëmë pas mesnatës në Pejë ku një veturë ka goditur për vdekje një këmbësor.

Në raportin 24-orësh të Policisë së Kosovës thuhet viktima mashkull kosovar është goditur për vdekje nga një veturë që po drejtohej nga i dyshuari kosovar i cili pas aksidentit është larguar nga vendi i ngjarjes.

“Viktima është dërguar në spitalin rajonal në Pejë, ku mjeku kujdestar ka konstatuar se i njëjti është pa shenja jete. Me vendim të prokurorit, trupi i pajetë i viktimës është dërguar në IML për obduksion”, thuhet në njoftim.

Policia gjithashtu bëri të ditur se ka identifikuar të dyshuarin, i cili për momentin gjendet në arrati, ndërsa vetura është gjetur dhe konfiskuar për ekzaminime të mëtutjeshme.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024