Kurti: Kosova në pritje që të marrë statusin e vendit kandidat të BE-së
Lajme
Lexohet për: 2 min.
6 muaj më parë
Linku u kopjua

Kryeministri Albin Kurti deklaroi sot se Kosova mbetet e përkushtuar për zbatim të plotë, të shpejtë dhe të pakushtëzuar të marrëveshjes bazike dhe aneksit të saj në kuadër të dialogut me Serbinë, me ndërmjetësimin e Bashkimit Evropian.

Ai gjatë një takimi me ministren e Jashtme të Belgjikës, Hadja Lahbib ka theksuar se nënshkrimi i marrëveshjes bazike dhe aneksit të saj është garanti i respektimit dhe zbatimit të tyre drejt një normalizimi të qëndrueshëm të marrëdhënieve ndërmjet Kosovës dhe Serbisë.

Kurti ka informuar Lahbib për angazhimin dhe qasjen konstruktive që Kosova ka pasur përgjatë procesit të dialogut të ndërmjetësuar nga Bashkimi Evropian dhe për qëndrimin e Kosovës në takimin e fundit në Bruksel në të njëjtën ditë kur po zhvillohej edhe Samiti i Këshillit Evropian.

Osmani: Mërgata kosovare ka rol të rëndësishëm në marrëdhëniet Kosovë-Belgjikë - KosovaPress

Në takim u fol edhe për situatën e sigurisë në rajon dhe për raportet e Kosovës dhe Serbisë në dritën e sulmit terrorist dhe paramilitar në Banjskë të Zveçanit sot dy muaj më parë dhe takimin e 26 tetorit me liderët evropianë në Bruksel.

Kurti ka përsëritur se Kosova ka dorëzuar aplikimin e saj për anëtarësim më 15 dhjetor të vitit të kaluar, dhe është në pritje që të marrë statusin e vendit kandidat.

Në takim u diskutua edhe mbi procesin e integrimit të Ballkanit Perëndimor në Bashkimin Evropian, përkatësisht të rrugëtimit të Kosovës në atë drejtim.

Po ashtu u diskutua edhe rreth mundësive të bashkëpunimit në fushën e ekonomisë, tregtisë, mbrojtjes e kulturës, krahas atij politik.

Ministrja e Jashtme e Belgjikës, Hadja Lahbib, gjatë ditës ka pasur takime edhe me presidenten Vjosa Osmani dhe kryediplomaten kosovare Donika Gërvalla.

Kryediplomatja belge kërkon deeskalim dhe përkushtim të ri në dialog - KosovaPress

A do te jetë qeveria e ardhshme VV-PDK?
Po
Jo
Nuk e di
Voto
313
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024