Qeveria gjermane kërkon zgjidhjen e krizës buxhetore
Biznes
Lexohet për: 2 min.
5 muaj më parë
Linku u kopjua

Qeveria e koalicionit të kancelarit gjerman Olaf Scholz është nën presion për të gjetur një zgjidhje për krizën buxhetore, pasi shqetësimet rriten mbi vrimën prej 60 miliardë eurosh në financat e qeverisë.

Partnerët e koalicionit kanë shtyrë mbledhjen e komisionit parlamentar të së enjtes për planet e shpenzimeve për vitin 2024 për shkak të mosmarrëveshjeve të tyre se si të rregullojnë boshllëkun financiar pa cenuar investimet për klimën dhe planet e prokurimit të mbrojtjes.

Gjykata Kushtetuese e Gjermanisë vendosi javën e kaluar se rishpërndarja e qeverisë prej 60 miliardë eurosh nga fondet e papërdorura të koronavirusit nuk ishte e ligjshme, duke e detyruar qeverinë të rishikojë planet e saj të shpenzimeve dhe të kufizojë fondet speciale jashtë buxhetit.

Ky është pensioni më i ulët që mund të merrni në Gjermani - KosovaPress

Ministri i Financave Christian Lindner u tha gazetarëve të enjten se ai po planifikon të përgatisë fillimisht një buxhet shtesë për vitin 2023 dhe më pas të fillojë diskutimet me partnerët mbi planin e shpenzimeve të vitit të ardhshëm.

“Në konsultim me Kancelarin Federal dhe Zëvendës-Kancelarin, javën e ardhshme do të paraqes një buxhet shtesë për këtë vit”, tha Lindner, duke shtuar se kjo është e nevojshme pas vendimit të Gjykatës Kushtetuese.

“Tani do t'i vendosim shpenzimet, veçanërisht për kufirin e çmimit të energjisë elektrike dhe gazit, në baza të sigurta kushtetuese. Për këtë kërkohet ky buxhet shtesë”, shtoi ai. /AA

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024