Abazi akuzon Haxhiun: Gjatë intervistimit në Prokurori një matrapaz më kërcënoi me revole
Lajme
Lexohet për: 2 min.
3 muaj më parë
Linku u kopjua

Ministrja e Drejtësisë, Albulena Haxhiu, është përplasur me deputetin e pavarur, Haki Abazi, në seancën e sotme të Kuvendit të Kosovës.

Pas deklarimit jashtë rendit të ditës të Abazit, ku kritikoi Haxhiun në lidhje me zjarrin në Institutin e Mjekësisë Ligjore, kjo e fundit i tha Abazit të ketë kujdes me deklarimet publike, duke i përmendur atij intervistimin nga Prokuroria Speciale në lidhje me rastin Dehari, ku sipas saj, Abazi atje me shumë vështirësi ka folur. Mirëpo, deputeti i pavarur pyeti Haxhiun ku i ka marrë informatat për një gjë të tillë, derisa aludoi se asaj i ka treguar një zyrtar policor, i cili sipas tij ka kërcënuar me revole gjatë intervistimit.

Haxhiu, i tha Abazit të mos del në foltore në Kuvend vetëm sa për të thënë diçka dhe për të qenë në ballina të mediave.

Mirëpo, deputeti Abazi, tha se informacioni që ministrja Haxhiu ka për intervistimin e tij në Prokurorinë Speciale dëshmon ndërhyrjen në drejtësi.

Ai tha se ajo ka marrë informacione nga një zyrtar policor, që Abazi e quajti matrapaz dhe që ka kërcënuar me revole.

Por, kjo sipas ministres Haxhiu është procedurë e rregullt, pasi edhe ajo kur është intervistuar për rastin Dehari ka qenë një zyrtar policor i cili ka pasur armën në brez.

Lajmi i plotë në sistemin me parapagim.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024