Regjistrimi i popullsisë shtyhet për në prill 2024
Lajme
Lexohet për: 2 min.
5 muaj më parë
Linku u kopjua

Qeveria e Kosovës ka marrë vendim sot që të shtyjë regjistrimin e popullsisë për vitin e ardhshëm. Kryeministri Albin Kurti, tha se nga menaxhmenti i ri i ASK-së ka marrë zotimin se ky proces do të kryhet në periudhën prej 5 prillit deri më 17 maj të vitit 2024. Dështimin që regjistrimi i popullsisë të përfundojë gjatë këtij viti, Kurti ia faturoi ish-menaxhmentit të ASK-së. 

Në mbledhjen e sotme të ekzekutivit, u miratua edhe Projektligji për letërnjoftimin që do të mundësojë që shtetasit e Kosovës nga lindja deri në moshën 16 vjeçare të pajisen me letërnjoftim. Derisa u morën vendime për shpronësimin e pronave për ndërtimin e rrugës Prizren-Tetovë dhe asaj Kijevë-Zahaq. Po ashtu u ndan 5 milionë euro si mbështetje ndaj familjeve me asistencë sociale për blerjen e druve, si dhe 1 milion euro për vazhdimin e ndërtimit të shtëpive në katër komunat veriore.

Lajmi i plotë në sistemin me parapagim...

Kryeministri Kurti e konsideroi të domosdoshme përfundimin e mirëfilltë të procesit të regjistrimit të popullsisë.

Ndërkaq, ministri i Punëve të Brendshme dhe Administratës Publike, Xhelal Sveçla tha se pajisja me letërnjoftim nga lindja deri në moshën 16-vjeçare nuk është e detyrueshme, por kjo do t’iu mundësojë qytetarëve të kësaj moshe të lëvizin jashtë vendit vetëm me letërnjoftime me ato vende që ka marrëveshje Kosova.

"Shtetasit e Kosovës nga lindja deri në moshën 16 vjeçare mund të pajisen me letërnjoftim", tha ai.

Dritën e gjelbër Qeveria ia dha edhe Projektligjit për pronarët përfitues. Sipas ministres së Industrisë, Ndërmarrësisë dhe Tregtisë, Rozeta Hajdari ky projektligj do të ndihmojë në luftimin e krimeve ekonomike.

Krahas kësaj, ekzekutivi miratoi edhe Projektligjin për gjendjen civile dhe Projektligjin për rininë.

Zëvendësministrja e Kulturës Rinisë dhe Sportit, Daulina Osmani tha se tani të rinjtë do të kenë më shumë mundësi për të kontribuar në shoqëri.

https://kosovapress.com/admin/qeveria-shtyne-serish-regjistrimin-e-popullsise/

Qeveria miratoi edhe Projektligjin për shpronësimin e pronës së paluajtshme dhe koncept-dokumentin në fushën e hekurudhave.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024