Muaji shkurt i vitit 2024, Messi kundër Ronaldos
Sport
Lexohet për: 2 min.
3 muaj më parë
Linku u kopjua

Lionel Messi dhe Cristiano Ronaldo do të ngjallin rivalitetin e tyre në një ndeshje në vitin e ardhshëm, ndeshje kjo e cila po cilësohet të jetë si “kërcimi i fundit” i dyshes.

Dy lojtarët më të mirë të gjeneratës së tyre janë përballur mes vete në dy dekadat e fundit, duke fituar tituj të shumtë, përfshirë 13 Topa të Artë së bashku, raporton KosovaPress.

Dukej se ata u përballën për herë të fundit kur Ronaldo u largua nga futbolli evropian për t’iu bashkuar Ligës Pro Saudite te skuadra e Al Nassrit në janar.

Messi përcolli rivalin e tij më të madh këtë verë, duke u larguar nga futbolli evropian dhe u transferua te skuadra amerikane Inter Miami.

Por, tani është konfirmuar që Ronaldo dhe Messi do të përballen sërish në një ndeshje në Arabinë Saudite vitin e ardhshëm.

Një miqësore mes Al Nassrit dhe Inter Miami, e cila po cilësohet si “Kërcimi i fundit” mes Messit dhe Ronaldos, është caktuar si pjesë e Kupës së Sezonit në Riad, dhe lajmin e kanë konfirmuar vetë organizatorët.

Ndeshja është caktuar të zhvillohet në muajin shkurt, ndërsa data ende nuk është caktuar.

(3) SPORTbible on X: "⚽️ Inter Miami vs Al Nassr ? Messi vs Ronaldo ?️ February 2024 ?️ Riyadh, Saudi Arabia ? Riyadh Season Cup The Last Dance of two footballing greats is locked in ? https://t.co/7STR1DSjQg" / X (twitter.com)

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024