Fanellën e ndeshjes Daku ia dhuron të birit të Tahir Batatinës (FOTO)
Sport
Lexohet për: 2 min.
6 muaj më parë
Linku u kopjua

Kombëtarja e Shqipërisë e siguroi mbrëmë kualifikimin në Kampionatin Evropian Euro 2024 si lidere e grupit.

Shqipëria barazoi 0:0 në stadiumin “Air Albania” me Ishujt Faroe, ku kjo pikë i mjaftoi ta mbyllë Grupin E në pozitën e parë, në kuotën e njëjtë të pikëve (15) sikurse Çekia në vendin e dytë, raporton KosovaPress.

Ndeshjen e mbrëmshme e nisi nga minuta e parë edhe sulmuesi nga Kosova, Mirlind Daku, i cili luajti 74 minuta para se të zëvendësohej nga Sokol Cikalleshi.

E fanellën të cilën e djersiti Daku gjatë ndeshjes së mbrëmshme e morri i biri i trajnerit Tahir Batatina, Meris Batatina.

Lajmin e bëri të ditur vetë Tahir Batatina, i cili tregoi se Daku i kishte kërkuar që të ishte prezent në ndeshjen e mbrëmshme, së bashku me dy djemtë e tij.

“Isha i ftuar së bashku me dy djemtë e mi ne ndeshjen e fundit në kuadër të kualifikueseve të Kombëtares Shqiptare, e cila ishte edhe natë festive. Pikërisht për këtë, ish-futbollisti i skuadrës së Llapit, Mirlind Daku shprehi dëshirën e tij që në këtë festë të madhe të jemi unë së bashku me dy djemtë e mi afër tij ku e uruam për paraqitjen e tij në Kombëtare dhe në skuadrën ku luan.

Dëshira e Mirlindit ishte që fanellën që e djerësiti dje me Kombëtaren Shqiptare dhe suksesin e arritur me të, t’ia dhuroj vetëm familjes Batatina, konkretisht djalit tim të vogël, Merisit”, shkroi ndër të tjera Batatina në “Facebook”.

A do te jetë qeveria e ardhshme VV-PDK?
Po
Jo
Nuk e di
Voto
143
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024