Në ditën Botërore të Fëmijëve, është mbajtur takimi i Komitetit Ndërministror për të Drejtat e Fëmijëve
Lajme
Lexohet për: 2 min.
5 muaj më parë
Linku u kopjua

Drejtori i Zyrës për Qeverisje të Mirë, Habit Hajredini tha se çështja e të drejtave të fëmijëve është prioritet i qeverisë.

Ai tha se në 14 komuna janë themeluar ekipe për mbrojtjen e të drejtave të fëmijëve.

“Jemi të obliguar që të hartojmë dokumentin për zbatimin e konventës. Presim që deri në dhjetor të kemi një dhjetor në detaje për zbatimin e kësaj konvente dhe vështirësitë. I kemi kushtuar vëmendje ngritjes së kapaciteteve të institucioneve. Ne si këshill për të drejtat e fëmijëve të bëjmë një agjendë, një vision paraprak si ta eliminojmë rrezikshmërinë e punës tek fëmijët”, tha ai.

Zëvendëskryeministrja Emilija Rexhepi theksoi se po punohet në implementimin e Ligjit për Mbrojtjen e Fëmijës.

Ajo theksoi se Kosova vazhdon të përballet me mungesë të të dhënave për zbatimin e të drejtave të fëmijëve.

“Një ndër të arriturat më domethënëse është hartimi i raportit shtetëror për zbatimin e konventës për të drejtat e fëmijës. Veprim ky që shpreh gatishmërinë dhe vullnetin e mirë politik të qeverisë së Kosovës që të marrë përsipër për t’i përmbushur obligimet ndërkombëtare të cilat sigurojnë realizimin e të gjitha të drejtave themelore”, shtoi ajo.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024