Kefalogianni: Vit i mrekullueshëm për turizmin grek, me performanca të jashtëzakonshme
Rajoni
Lexohet për: 2 min.
3 muaj më parë
Linku u kopjua

"Është një vit i mrekullueshëm për turizmin grek, me performanca të jashtëzakonshme në të gjitha fushat e rëndësishme - të ardhura, punë, ardhje," tha ministrja e Turizmit, Olga Kefalogianni, në ekspozitën ndërkombëtare të turizmit World Travel Market të mbajtur në Londër.

Kefalogianni ka përmendur përgjegjësitë që ky rrugëtim i suksesshëm që nisi para një dekade për turizmin grek sjell, si dhe faktin se Greqia është gati t'i hap një faqe të re në strategjinë e saj të turizmit

Në fakt, ajo foli për një cikël të ri zhvillimi dhe kryesisht për një zhvendosje thelbësore drejt qëndrueshmërisë dhe promovimit të vlerave si mbrojtja e natyrës, respekti për komunitetet lokale dhe faktori njerëzor.

Theksimi i të gjitha këtyre vlerave të veçanta do ta bëjë Greqinë edhe një herë lider në destinacionet dhe eksperiencat turistike, shpjegoi ajo. Gjatë konferencës për shtyp, u zhvillua një diskutim me Shefen e Qëndrueshmërisë së ABTA-s, Carol Rose, mbi qëndrueshmërinë, tendencat e reja në turizëm dhe pozicionin e Greqisë në tregun ndërkombëtar të turizmit të destinacioneve të qëndrueshme.

"Destinacionet e qëndrueshme" i referohet destinacioneve të udhëtimit dhe praktikave turistike që i japin përparësi qëndrueshmërisë mjedisore, sociale dhe ekonomike./ANA-MPA

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024