Publikohet manuali që lufton dhe parandalon ngacmimin seksual në sektorin publik
Lajme
Lexohet për: 2 min.
5 muaj më parë
Linku u kopjua

Zyra e Kryeministrit ka publikuar manualin për zbatimin e politikës kundër ngacmimit seksual në organet e Administratës Publike. Përmes saj synohet të luftohet dhe parandalohet ngacmimi seksual në sektorin publik.

Drejtori i Zyrës për Qeverisje të Mirë, pranë ZKM-së, Habit Hajredini, tha se në manual sqarohet se çka është ngacmimi seksual, format e ngacmimit seksual dhe mekanizmat që do të merren me ndëshkimin e kësaj dukurie negative.

Publikimin e këtij manuali e mirëpriti shefi i seksionit për ligj dhe drejtësi në kuadër të misionit të OSBE-së në Kosovë, Mark Lasser, i cili tha se i njëjti do të ndihmojë në luftimin dhe parandalimin e ngacmimit seksual në ambientet e punës.

Ai përmendi edhe disa shifra të studimeve, ku sipas tij tregojnë se diku 48 për qind e kosovarëve kanë përjetuar një lloj forme të ngacmimit seksual, ku 64 për qind prej tyre janë gra.

Në anën tjetër, drejtoresha e Qendrës Kosovare për Studime Gjinore, Luljeta Demolli, tha se ekzekutivi duhet të fokusohet edhe në luftimin dhe parandalimit të ngacmimit seksual në sektorin privat.

Lajmi i plotë në sistemin me parapagim.

Qeveria e Kosovës më 25 dhjetor 2020 ka miratuar politikën kundër ngacmimit seksual në Organet e Administratës Publike./KosovaPress/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024