"Mësimet e Blagës" fiton çmimin e madh në festivalin e filmit në Romë
Lajme
Lexohet për: 2 min.
8 muaj më parë
Linku u kopjua

Filmi "Mësimet e Blagës" i Stephan Komandarev mori Çmimin e Madh të Jurisë në Festivalin e Filmit në Romë, i cili u mbajt më 18-29 tetor.

Juria kryesohej nga aktori dhe regjisori meksikan, Gael Garcia Bernal.

Çmimi u mor në një ceremoni në ‘Auditorium Parco Della Musica Ennio Morricone’ nga shkrimtari Simeon Ventsislavov. Regjisori Stephan Komandarev ndodhet në Los Anxhelos, ku prezanton filmin, i cili është nominim bullgar për Çmimet e Akademisë.

Ventsislavov tha se Roma dhe Italia kanë qenë gjithmonë sinonim i kinemasë për të dhe falënderoi në emër të produksionit për çmimin.

Nominimi bullgar për çmimin Oscar konkurroi me 16 filma të tjerë në programin kryesor të festivalit. Juria i dha çmimin e filmit më të mirë “Pedagio” të Carolina Markowicz.

Çmimi për regjisorin më të mirë shkoi për Joachim Lafosse për "Un silence". Çmimi Monica Vitti (Aktorja më e mirë) shkoi për aktoren italiane Alba Rohrwacher për rolin e saj në "Mi Fanno Male i Capelli", dhe çmimi Vittorio Gassman shkoi për Herbert Nordrum për rolin e tij në "Hypnosen".

"Mësimet e Blagas" fitoi tre çmime në Festivalin Ndërkombëtar të Filmit në Karlovy Vary në muajin korrik - Çmimin e Madh të Globit të Kristaltë, Çmimin për Aktoren më të Mirë, dhe Çmimin Ekumenik të Jurisë.

Në fillim të shtatorit, një juri kombëtare përzgjodhi filmin e Komandarevit për nominimin bullgar për Çmimet e 96-ta të Akademisë./BTA/

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024