​Nëse udhëtoni në Austri nga e mërkura, kushtojini vëmendje këtij rregulli
Bota
Lexohet për: 4 min.
5 muaj më parë
Linku u kopjua

Automoto Club Austriak ÖAMTC dhe Shërbimi Austriak i Asistencës Rrugore ARBÖ paralajmërojnë drejtuesit e mjeteve motorike se nga e mërkura, 1 nëntor në Austri, sipas rregullave ligjore, veturat e pasagjerëve në komunikacion duhet të kenë gomat e dimrit.

Detyrimi i deklaruar vlen edhe për makinat e pasagjerëve me rimorkio "të lehtë" ose "të rëndë", si dhe kamionët më të vegjël, thekson ÖAMTC. I njëjti burim paralajmëron se ligji parashikon pajisje të detyrueshme dimërore nga 1 nëntori i këtij viti deri më 1 prill të vitit të ardhshëm.

Në të njëjtën kohë, duhet pasur parasysh se gomat e duhura të dimrit duhet të kenë një nga këto shenja: M&S (baltë-borë) ose M/S; M+S ose M.S.

Të njëjtat shënjime vlejnë për gomat e makinave që janë të vlefshme për të gjitha stinët, pra si për dimër ashtu edhe për verë. Dhe ato goma konsiderohen goma dimri. Për ta zbatohet dispozita që thellësia e profilit të mos jetë më e vogël se 4 milimetra. Nëse montohen gomat e dimrit, atëherë të katër duhet të jenë goma për sezonin e dimrit, thotë ÖAMTC.

​Suedia “ka mbetur” pa para - KosovaPress

"Shenja e printuar shpesh garanton gjithashtu që kjo gomë është prodhuar dhe testuar për përdorim të veçantë në kushtet e dimrit," thekson dispozita.

ARBÖ thekson rëndësinë e "rregullit 4": "Është gjithashtu e rëndësishme të sigurohet që rregulli i mirënjohur 4 ( katër të njëjtat goma dimri, si dhe një profil minimal prej 4 milimetra) të zbatohet në të vërtetë në praktikë, në mënyrë që mjeti të jetë korrekt dhe i sigurt në rrugë”.

Si një alternativë ndaj gomave të dimrit, ligji parashikon gjithashtu një kombinim të gomave verore me zinxhirë në të paktën dy rrota lëvizëse. Kjo lejohet vetëm në rastin, siç raportohet nga ÖAMTC, nëse rruga e mbuluar me borë ose akull është përgjithësisht e pakalueshme ose pothuajse e pakalueshme.

Ligji ka parashikuar dënime jashtëzakonisht të rënda për ata që nuk respektojnë vendimin e detyrueshëm për gomat e dimrit. Policia rrugore mund të vendosë gjoba deri në 5.000 euro për pronarët e makinave, të cilët në periudhën nga 1 nëntori deri më 15 prill nuk kanë goma dimërore në rrugët austriake, në rast se ky akt vendos në rrezik përdorues të tjerë të rrugës.

​Ford po redukton investimet në elektrifikim - KosovaPress

Nëse nuk është kështu, atëherë gjoba për mosrespektim të dispozitës për gomat e detyrueshme të dimrit është 60 euro.

Ai që me kokëfortësi nuk dëshiron të veshë goma dimërore apo zinxhirë bore, mund të llogarisë edhe në faktin se policia do ta heqë makinën e tij nga trafiku për hir të sigurisë në trafik.

ARBÖ paralajmëron se në rast të një aksidenti trafiku në një rrugë të mbuluar me borë, akull ose baltë, një shofer makine pa pajisje dimërore të përshkruara mund të ketë probleme shtesë ligjore me kompaninë e tij të sigurimit ose siguruesin.

Andaj, ata që nga e mërkura e nisin udhëtimin për në Austri, duhet t'u kushtojnë vëmendje këtyre rregullave për pajisjet e përcaktuara dimërore, nëse nuk duan t'i "fusin duart në xhep".

​Njihuni me bukuroshen e re të Mazda - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024