Bislimi: Një vend brenda BE-së kategorikisht refuzon vendosjen e sanksioneve ndaj Serbisë
Lajme
Lexohet për: 2 min.
5 muaj më parë
Linku u kopjua

Zëvendëskryeministri Besnik Bislimi deklaroi se nuk është në kompetencën e qeverisë që të konstatojë, nëse formulimet brenda propozimit për asociacionin përbëjnë shkelje kushtetuese.

Ai tha se sponsorët e këtij propozim kanë siguruar që gjatë përpilimit të propozimit të tyre, janë kujdesur që të përmbushen kushtet, siç tha ai, të kryeministrit Albin Kurti.

Pas mbledhjes së Qeverisë, Bislimi u shpreh se në BE ka një dakordim informal që masat ndaj Kosovës janë të padrejta dhe të dëmshme. Sipas tij, është një vend brenda bllokut që refuzon vendosjen e sanksioneve për Serbinë.

“Kosova është nën masa. Diskutimi për masat që mund të ndërmerren në rast të pasjes së qasjes konstruktive nga ana e Serbisë ose në rast që hetimet përfundojnë me një konstatim që prapa sulmit apo aktit të agresionit të 24 shtatorit qëndron Serbia, flasim për masat ekonomike dhe politike që mund të vendosen për Serbinë. Por, prapë është e qartë, jo për Kosovën, sepse Kosova s’ka qenë shkaktare e sulmit të 24 shtatorit. Masat do t’i vendosen Serbisë në rast se konstatohet, por është e rëndësishme të dihet që masat nuk mund të jenë të tipit të sanksioneve meqë ka një vend brenda Bashkimit Evropian, që kategorikisht do të refuzojë vendosjen e sanksioneve, andaj masat pritet të jenë ato që lidhen me integrimin evropian dhe mbështetja financiare që merr Serbia nga Bashkimi Evropian”, deklaroi Bislimi.

Tutje, ai shtoi se në muajin shkurt kryeministri Kurti ka treguar rrethanat që ai është i gatshëm të angazhohet në draftimin e dokumentit për vetëmenaxhim./KosovaPress

Lajmi i plotë në sistemin me parapagim.

Kurti: Vuçiq i ka rënë ‘pishman’ që ishte pro-marrëveshjes bazike - KosovaPress

Kurti për Asociacionin: Nëse do të nënshkruhej, do të interpretohej nga Kushtetuesja - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024