​Elementet e nevojshme për jetën u krijuan në një shpërthim të madh kozmik
Bota
Lexohet për: 3 min.
7 muaj më parë
Linku u kopjua

Astronomët vëzhguan një shpërthim të madh kozmik, të shkaktuar nga bashkimi i dy yjeve, i cili krijoi elementet e nevojshme për jetën.

Krijimi i elementeve të rrallë kimikë është zbuluar në shpërthimin e dytë më të shndritshëm të rrezeve gama (GRB), duke hedhur dritë të re mbi mënyrën se si formohen elementët e rëndë.

Shkencëtarët vëzhguan GRB 230307A, i cili u krijua nga bashkimi i dy yjeve neutron në një galaktikë spirale një miliard vite dritë larg. Kjo GRB ishte më shumë se një milion herë më e ndritshme se e gjithë galaktika jonë, Rruga e Qumështit. Kjo është hera e parë që teleskopi hapësinor James Webb (JWST) ka vëzhguar bashkimin e dy yjeve, i cili njihet si kilonova.

Ata vunë re një nga elementët më të rrallë në Tokë

Në prani të energjisë së mjaftueshme për të nxjerrë materialin, ky proces krijon bërthama të reja atomike në një proces të njohur si nukleosintezë. Kjo krijon disa nga elementët më të rëndë në natyrë, si ari, platini dhe uraniumi.

Një studim i ri, i kryer nga shkencëtarët nga Universiteti i Warwick dhe Universiteti i Birminghamit, ka identifikuar ekzistencën e telurit - një nga elementët më të rrallë në Tokë. Elementë të tjerë si jodi dhe toriumi, të domosdoshëm për të mbajtur jetën në Tokë, ka të ngjarë të jenë gjithashtu ndër materialet e nxjerra nga shpërthimi.

Shpërthimi u vëzhgua nga një seri teleskopësh

"Ky është një hap i rëndësishëm në kuptimin tonë të rolit të bashkimeve binare të yjeve neutronike në plotësimin e tabelës periodike," tha profesori Danny Steeghs nga Departamenti i Fizikës në Universitetin e Warwick.

Shpërthimi u vëzhgua duke përdorur një numër teleskopësh me bazë në tokë dhe në hapësirë, duke përfshirë teleskopin hapësinor të NASA-s James Webb, Teleskopin Hapësinor me rreze Gamma Fermi dhe Observatorin Neil Gehrels Swift. Zbulimet u publikuan në revistën “Nature”.

Stuhia që lëviz me 515 kilometra në orë: Zbulime të mahnitshme rreth Jupiterit - KosovaPress

Kometa masive që shpërtheu në hapësirë është drejtuar drejt Tokës - KosovaPress

​NASA bëri fotografi të pabesueshme të botës me më shumë vullkane në sistemin diellor - KosovaPress

A do te jetë qeveria e ardhshme VV-PDK?
Po
Jo
Nuk e di
Voto
478
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024