​Escobar-Nikolla: SHBA është vendi më pro-kosovar në botë
Lajme
Lexohet për: 3 min.
7 muaj më parë
Linku u kopjua

Kryeparlamentarja e Shqipërisë Lindita Nikolla u prit sot në Departamentin e Shtetit nga Gabriel Escobar, ndihmës sekretar i Shtetit dhe emisar special për Ballkanin Perëndimor, me të cilin diskutuan mbi ecurinë e reformave demokratizuese dhe integruese dhe mbështetjen e Kuvendit për avancimin e tyre.

“SHBA dëshirojnë ta kenë Shqipërinë partnere dhe mbështesin aplikimin e saj në sa më shumë organizata ndërkombëtare. SHBA mbështesin fuqimisht integrimin e Shqipërisë në BE, vlerësojnë arritjet e deritanishme dhe inkurajojnë thellimin e luftës kundër korrupsionit,” është shprehur Escobar.

SHBA, të cilën Escobar e cilësoi si vendi më prokosovar në botë, janë të vendosura për mbrojtjen e pavarësisë, sovranitetit, integritetit dhe sigurisë së Kosovës dhe pranimin e saj në organizatat ndërkombëtare, shkruan kryeparlamentarja Nikolla në Facebook.

Postimi i plotë:

Një diskutim mbresëlënës sot në Departamentin e Shtetit, me Gabriel Escobar, ndihmës sekretar i Shtetit dhe i Dërguari Special për Ballkanin Perëndimor.

Marrëdhëniet mes Shqipërisë dhe SHBA sot janë më të mira se asnjëherë në histori.

Partneriteti ynë strategjik është konkretizuar në bashkëpunimin e shkëlqyer në KS të OKB dhe do të jetë i tillë edhe në KDNj. SHBA dëshirojnë ta kenë Shqipërinë partnere dhe mbështesin aplikimin e saj në sa më shumë organizata ndërkombëtare.

Diskutuam mbi ecurinë e reformave demokratizuese dhe integruese dhe mbështetjen e Kuvendit për avancimin e tyre.

SHBA mbështesin fuqimisht integrimin e Shqipërisë në BE, vlerësojnë arritjet e deritanishme dhe inkurajojnë thellimin e luftës kundër korrupsionit.

Escobar, i cilësoi SHBA-në si vendi më prokosovar në botë, dhe theksoi se ato janë të vendosura për mbrojtjen e pavarësisë, sovranitetit, integritetit dhe sigurisë së Kosovës dhe pranimin e saj në organizatat ndërkombëtare.

SHBA kanë dënuar aktin terrorist të 24 shtatorit dhe njohin përgjegjësinë e Serbisë për këtë akt.

Marrëveshja e Ohrit është një marrëveshje strategjike dhe duhet punuar për zbatimin e saj.

SHBA-të mbështesin dialogun e lehtësuar nga BE, po punojnë për njohjen e saj edhe nga pesë shtetet e BE-së që nuk e kanë njohur dhe po ndërtojnë një fushatë njohjesh globale për Kosovën.

Dialogu Kosovë-Serbi është e vetmja rrugë drejt paqes dhe sigurisë në rajon.

Escobar: Marrëveshja e Ohrit të zbatohet sa më shpejt nga Kosova dhe Serbia - KosovaPress

Escobar: Nuk shoh asnjë dëshmi njëanshmërie të Miroslav Lajçak - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024