​Bislimi në Paris: Procesi i integrimit evropian duhet të jetë i bazuar në meritokraci
Lajme
Lexohet për: 2 min.
4 muaj më parë
Linku u kopjua

Gjatë qëndrimit në Paris, zëvendëskryeministri i parë i Kosovës, Besnik Bislimi, u takua me Valérie Rabault, nënkryetare e Asamblesë Kombëtare, Jean-Louis Bourlanges, kryetar i Komisionit për Punë të Jashtme dhe deputetin Arthur Delaporte.

Bislimi me këtë rast shprehu mirënjohjen ndaj shtetit të Francës për miqësinë e partneritetin e ngushtë, si dhe informoi bashkëbiseduesit e tij mbi sukseset, arritjet e objektivat tutje të Kosovës veçanërisht në zhvillim ekonomik e sundim të ligjit.

Sa i përket zhvillimit ekonomik, u potencua rëndësia për shpërndarje të barabartë e rritje të qëndrueshme. Në lidhje me procesin e integrimit evropian, ai theksoi se është prioritet për Qeverinë dhe se mbeten të përkushtuar në zbatimin e reformave dhe avancimin në rrugëtimin tonë evropian.

“Në vazhdimësi po dëshmojmë që jemi gati për hapa tutje, të mbështetur jo vetëm nga gatishmëria e niveli i përgatitjes së institucioneve tona, por edhe nga vullneti e përkrahja qytetare për këtë proces. Procesi i integrimit evropian duhet të jetë i bazuar në meritokraci e qasje të barabartë për të gjitha shtetet”, tha Bislimi.

Palët diskutuan dhe mbi procesin e dialogut dhe sulmin terrorist e aktin e agresionit të Serbisë ndaj Kosovës, thuhet në një deklaratë për media.

Bislimi në vizitë zyrtare në Francë - KosovaPress

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024