Qytetarët mirëpresin hapjen e pikës kufitare në Jarinje, Elshani: Situata në veri e qetë
Lajme
Lexohet për: 2 min.
4 muaj më parë
Linku u kopjua

Qytetarët të cilët kanë udhëtuar sot (e mërkurë) nga Kosova në drejtim të Serbisë dhe anasjelltas përmes vendkalimit kufirit të Jarinjes, janë shprehur të lumtur me hapjen e kësaj pike kufitare. Ndërsa, policia vlerëson se situata e sigurisë në veri është e qetë, por delikate.

Disa prej tyre për KosovaPress, kanë thënë se nuk dëshirojnë që kurrë më të mos përsëriten ngjarje të tilla sikur sulmi 24 shtatorit në Banjskë.

Angjelko Llesheviq nga Leshaku, tha se është shumë i lumtur për hapjen e Jarinjes, pasi 25 ditë ka jetuar siç u shpreh, si ‘në burg”.

Ai dëshiron që situata të tilla dhe mbyllje të kufijve të mos ndodhin kurrë për askënd, pavarësisht nacionalitetit, por që qytetarët të jetojnë mirë dhe të lëvizin të lirë.

Samir Demiroviq nga Tutini, u shpreh po ashtu i lumtur për hapjen e kufirit, duke thënë se gjatë kalimit në kufi gjithçka ka shkuar shpejtë dhe në mënyrë efikase.

Ai ka apeluar tek politikanët që të mendojnë më shumë për interesin e popullit, sepse qytetarët vërtetë duan të jetojnë në paqe dhe pa konflikte.

Në anën tjetër, U. D i drejtorit të Policisë së Kosovës për rajonin e veriut, Veton Elshani, ka bërë të ditur se situata e sigurisë në veri është e qetë, por delikate.

Sipas tij, pas hapjes së  kufirit të Jarinjes, gjithçka është duke shkuar në rregull dhe nuk ka ndonjë problem.

Ai tha se pjesëtarët e policisë edhe sot janë duke zhvilluar aktivitetet e tyre në ruajtje të rendit dhe qetësisë publike, pa precizuar nëse po bastisen lokacione të caktuara në veri.

Lajmi i plotë në sistemin me parapagim.

Ndërsa, pika kufitare në Bërnjak ishte hapur më 9 tetor.

Mbyllja e vendkalimeve kufitare me Serbinë në Jarinje dhe Bërnjak ishte bërë nga data 24 shtator, pas sulmeve terroriste në Banjskë të Zveçanit.

https://kosovapress.com/admin/hapet-pika-kufitare-ne-jarinje/
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024