Edhe një sukses tjetër ndërkombëtar: Në Dubai rektori Hajrizi vlerësohet me çmimin “Pioneers Awards”
Lajme
Lexohet për: 2 min.
9 muaj më parë
Linku u kopjua

Dubai ishte destinacioni i radhës ku edhe njëherë Kosova përmes UBT-së u ngrit në piedestale të larta në fushën e arsimit, ekselencës dhe inovacionit. Rektori i UBT-së, Prof. Dr. Edmond Hajrizi është vlerësuar me çmimin “Pioneers Awards”, në Konferencën e 8-të Globale të Inovacionit dhe Ekselencës, që u mbajt këtë vikend në Dubai.

Në saje të vizionit dhe të lidershipit të tij, ai u vlerësua për kontributin e jashtëzakonshëm në fushën e shkencës, teknologjisë, arsimit, inovacionit dhe ekselencës.

“Ky çmim është më shumë se thjesht një vlerësim individual, është një mirënjohje për ekipin e madh të UBT-së, për gjithë vendin dhe për të gjithë ata që kanë punuar për të ndërtuar një institucion arsimor të jashtëzakonshëm. Ky çmim është një vlerësim për angazhimin për të sjell koncepte të reja në Kosovë dhe më gjerë për zhvillimin e shkencës, teknologjisë, arsimit dhe inovacionit”, ka thënë Rektori Hajrizi.

Përmes këtij çmimi, konferenca “Global Pioneerism, Innovation and Excellence” dhe i gjithë komuniteti global, kanë vlerësuar rektorin Hajrizi dhe UBT-në për përvojat e sjella gjithandej botës, idetë, si dhe për strategjitë inovative që ka zhvilluar ndër vite.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2024