​Von der Leyen sot në Tiranë, takim me Begajn dhe konferencë me Ramën
Lajme
Lexohet për: 2 min.
4 muaj më parë
Linku u kopjua

Presidentja e Komisionit Evropian, Ursula von der Leyen do të mbërrijë sot (15 tetor) në Tiranë, në kuadër të Samitit të Procesit të Berlinit që do të mbahet ditën e nesërme. Bëhet me dije se Von der Leyen do të pritet nga presidenti i Republikës së Shqipërisë, Bajram Begaj në orën 15:30.

Po ashtu, Von der Leyen më pas do të ketë edhe një takim me kryeministrin Edi Rama, ndërsa në ora 17:30 është p[araparë një konferencë e përbashkët për media.

Gjithashtu, presidentja e KE do të marrë pjesë në nisjen e regjistrimeve për vitin akademik 2024-2025 të Kolegjit të Evropës në Tiranë.

Ndryshe, 31 liderë të Bashkimit Evropian, 5 vendeve të Ballkanit Perëndimor, do të jenë në Tiranë, për Samitin e Ballkanit Perëndimor, nisëm që ka marrë udhë që prej 2014-së si iniciativë e Kancelares gjermane Anxhela Merkel.

Teksa vijojnë përgatitjet për pritjen e Samitit të Procesit të Berlinit në Tiranë, për të siguruar mbarëvajtjen e tij, Policia ka nisur me marrjen e masave që prej të dielës.

Janë 1604 efektivë të angazhuar, ndërsa një sërë aksesh kryesore në Tiranë do të mbyllen që prej pasdites së sotme.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Të gjitha të drejtat e rezervuara nga A.P.L. KosovaPress © 2002-2024